چەند کومبونەک ب مەبەستا چارەسەرییا ئاریشەیێن ھاتن و چوونا گەشتیاران ھاتنە ئەنجامدان

(ئه‌رشیف)
پشتی چێبوونا قەرەبالغیێ و ترافیکێ ل دەرگەھێ سنوریێ ئیبراھیم خەلیل ژبو ئەو گەشتیارێن ھاتن و چوونا وەلاتێ تورکیایێ دکەن، سەرپەرشتێ گشتیێ کومەلگەھا دەروازەیێ نیڤدەولەتی ئیبراھیم خەلیل پەیوەندی ب والیێ شرناخێ "عوسمان بیلگین" کر و داخوازییا چارەسەرییا ڤێ ئاریشەیێ ژێ کر، والیێ شرناخێ ژی ب گرنگیڤە ئەڤ مژارە وەرگرت و بریاردا کو لژنەیەک ژ بەرپرسێن پەیوەندیدار یێن تورکیایێڤە بھێتە پێک ئینان و دگەل وەڤدی دەروازەیێ نیڤدەولەتی ئیبراھیم خەلیل کوم ببن و دانوستاندنێ بکەن ب مەرەما چارەسەرکرنا ڤێ ئاریشەیێ.
وەڤدێ تورکیایێ پێک ھاتبون ژ ھەرئێک "جیھاد کوچ" قایم مقامێ سلوپیێ، "ئەیھان جوشکونیر" رێڤەبەرێ گشتیێ کومەلگەھا خابور، "ئورھان گونگر"رێڤەبەرێ گومرکا خابور..
پشتی چەندین کومبونان و دانوستاندنێ چەند بریارەک ھاتنە دەرکرن داکو ئێدی قەرەبالغی ل دەرگەھێن سنوری نەمینیت، ھەر ئەڤرو دەست ب جێبجێ کرنا وان بریاران ھاتنە کرن و قەرەبالغی ب شێوەیەکێ بەرچاڤ کێم بوویە و دھێتە چاڤەرێ کرن دھەیاما بھێت دا ب ئێکجاری ئەڤ ئاریشەیە چارەسەر ببیت، ھەروەسا بریار ھاتەدان کو خالێن پشکنینێ و یێن پەیوەندیدار ب ھاتن و چوونا گەشتیارانڤە بھێنە زێدە کرن ژلایێ ھەردوو لایەنێن کومەلگەھا دەروازەیێ نیڤدەولەتی ئیبراھیم خەلیل و کومەلگەھا دەروازەیێ نیڤدەولەتی خابورڤە.

کامی کەمال
گوتەبێژێ کومەلگەھا دەروازەیێ نیڤدەولەتی ئیبراھیم خەلیل
٢٥ێ کانوونا ئێکێ ٢٠٢٢