پارێزگارێ دھوکێ و سەرپەرشتێ ئیدارەیا زاخو سەرەدانا کومەلگەھا ئیبراھیم خەلیل کر (ئه‌رشیف)

ئەڤرو رێکەفتی 8ێ ئادارا ٢٠٢٢یێ ب مەبەستا ئەنجامدانا کومبونەکێ لسەر رەوشا سنوری و ئالوگوریێن بازرگانی، "عەلی تەتەر" پارێزگارێ دھوکێ و "گوھدار شێخو" سەرپەرشتێ ئیدارەیا زاخو و چەندین بەرپرسێن دیکەیێن حکومی و ھەژمارەکا بازرگانان سەرەدانا کومەلگەھا دەروازەیێ نیڤدەولەتی ئیبراھیم خەلیل کرو ژلایێ "حەمید عەلی" سەرپەرشتێ کومەلگەھێڤە ھاتنە پێشوازی کرن و کومبون ھاتە ئەنجامدان، دکومبونێدا ژلایێ سەرپەرشتییا دەروازەیڤە تەکەز ھاتە کرن کو چ پرسگرێک دئالوگوریێن بازرگانیدا نینن و دنھادا بزاڤا بازرگانی یا چالاکەو ھەمی کەل و پەل وەکی بەرێ دھێنە دناڤ ھەرێما کوردستانێدا، و ھەروەسا دانوستاندن ھاتنە کرن ب مەبەستا خورتتر کرنا ئالوگوریێن بازرگانی.
پشتی کومبونێ کونگرەیەکا رۆژنامەڤانی ژبو پارێزگارێ دھوکێ و سەرپەرشتێ ئیدارەیا زاخو ھاتە ئەنجامدان. هه‌روه‌سا ب مەبەستا ژ نزیک ھایدار بوون ژ رەوشا بازرگانی و ھاتن و جوونێن گەشتیاران، شاندێن ئاماژە پێکری سەرەدانا پرا ھاتنا دناڤبەرا ھەرێما کوردستانێ و وەلاتێ تورکیایێدا کرن.

پەیوەندی و راگەھاندنا دەروازەیێ نیڤدەولەتی ئیبراھیم خەلیل
٨ێ ئادارا ٢٠٢٢

💬 کومينت (0)

هنارتن