سەرپەرشتێ کۆمەلگەھا ئیبراھیم خەلیل پێشوازی ل قونسولێ تورکیایێ ل ھەولێرێ کر

(ئه‌رشیف)
ئەڤرو رێکەفتی ٢٠٢٠/٨/١٩ "حەمید عەلی" سەرپەرشتێ كومه‌لگه‌ها ده‌روازەیێ نیڤ ده‌وله‌تی یٔیبراهیم خه‌لیل و رێڤەبەرییا کۆمەلگەھێ، پێشوازی کرن ل قونسولێ گشتیێ تورکیایێ ل ھەولێرا پایتەختێ ھەرێما کوردستانێ "ھاکان قەرەچای" سه‌رپه‌رشتێ كۆمه‌لگه‌ها خابور یا ولاتێ توركیایێ "ئه‌نڤه‌ر كۆك" و شاندێ دگەلداو کۆمبونەک ھاتە ئەنجامدان ..
دکۆمبونێدا دانوستاندن لسەر ئالوگوریێن بازرگانی و رێکارێن ساخلەمیێ ل دژی ڤایرۆسێ کۆرۆنایێ دناڤبەرا ھەرێما کوردستانێ و تورکیایێ دا ھاتنە کرن و تەکەز ل سەر بەردەوامی دان و پێش ئێخستنا پەیوەندیێن بازرگانی دناڤبەرا ھەرێما کوردستانێ و تورکیادا ھاتە کرن و چاوانیا باشتر خۆ گۆنجاندنێ دگه‌ل باردۆخێ ناله‌بارێ نوكه‌ كۆ ژبه‌ر ڤایرۆسێ هاتیه‌ پێش ھاتە گۆتۆبێژ کرن، ژلایێ خوه‌ڤه‌ رایه‌دارێن ولاتێ توركیایێ ژى سوزدا كو بۆ ڤێ مەرەمێ و پتر پێشخستنا ئالۆگورى یێن بازرگانى دهاریكار بن.
هه‌روه‌سا قونسولێ گشتى و شاندێ دگه‌لداو سه‌رپه‌رشت و رێڤه‌به‌رییا كۆمه‌لگه‌هێ سه‌ردانه‌كا مه‌یدانى یا تاقیگه‌ها نوى یا كۆرۆنایێ كر و كۆنگره‌یه‌كا رۆژنامه‌ڤانى ژى بۆ قونسولێ گشتى یێ ولاتێ توركیایێ ل هه‌ولێرێ هاته‌ ئه‌نجامدان.


پەیوەندی و ڕاگه‌هاندنا كومه‌لگه‌ها ده‌روازەیێ‌ نیڤ ده‌وله‌تی یٔیبراهیم خه‌لیل
١٩\٨\٢٠٢٠ێ

💬 کومينت (0)

هنارتن