نزیکی ٥ هزار تونێن کەلوپەلان ل دەروازەیێ ئیبراهيم خليل هاتینە زڤڕاندن و ژناڤبرن

د ماوەیێ پێنج مەهێن دەربازبوویی دا، ل ڕێکەفتی ١\٥\٢٠٢٦ێ هەتاکو ٣٠\٩\٢٠٢٦ێ، پتر ژ چوار هزارو هەشت سەد و بیست و سێ (٤,٨٢٣) تون کەلوپەلێن جۆراوجۆر ل دەروازەیێ نیڤدەولەتی یێ ئیبراهیم خەلیل هاتینە زڤراندن و پشکەک ژی هاتینە ژناڤبرن.
ئەڤ کەرەستەیە ژلایێ لژنە و تاقیگەهێن سەر ب ڕێڤەبەرییا کومەڵگەها دەروازەیێ ئیبراهيم خليل ڤە، پشتی پشکنینان و ڕێکارێن پێدڤی و فەرمی هاتینە ڕەد کرن کو بهێنە دناڤ هەرێما کوردستانێ و عیراقێ دا، ئەگەرژی نەگونجینا ئەوان کەلوپەلان بووینە دگەل یاسا و رێنماییێن حکومەتا هەرێما کوردستانێ و سالوخەتێن عیراقی.
هەرەوەسا ئەڤ کەل و پەلە پێکهاتبوون ژ یێن ساخلەمیێ و خوارن و ڤەخوارن، چاندن، ڤێتێرنەری، بیناسازی، کوزماتیک و یێن سوتەمەنیێ…
ژ بەر ڤان کار و بزاڤێن دلسۆزانە، بناڤێ رێڤەبەرییا دەروازەیێ نیڤدەولەتی یێ ئیبراهيم خليل پێزانین و سوپاسیان ئاراستەی ئەوان فەرمانبەر و ستافێن کاری دکەین یێن کو ئەڤ چالاکییە ئەنجام داین.





پەیوەندی و ڕاگه‌هاندنا
ڕێڤەبەرییا کومەڵگەها ده‌روازه‌یێ نیڤده‌وله‌تی یێ ئیبراهیم خلیل
٢٠ێ تشرینا ئێکێ یا ٢٠٢٦ێ

💬 کومينت (0)

هنارتن